د ((سندرې جادوګرې)) خپرونې پاڼې ته ښه راغلاست.
د دې اوونۍ خپرونه مو د پاکستان ټېلېوېژن په پېښور څانګه کې د موسيقۍ پروګرامونو د يوه پخواني وړاندې کوونکي شوکت علي د ژوند او کار کتنې ته ځانګړې کړې.
نوموړی د ۲۰۱۹ز کال د جنورۍ پر ۲۹مه، د چارسدې په کندې شېرپایان کلي کې ومړ.
دی د ۷۲ کلونو وو.
شوکت علي د موسيقۍ پروګرامونو ترڅنګ د پښتو او اردو يو شمېر مشهورې ډرامې هم جوړې کړې وې.
د ارواښاد ملګري او همکاران هغه د يوه تکړه پروډيوسر او ښکلي انسان په توګه يادوي.
په خپرونه کې د شوکت علي پر مړينه د هغه د ملګرو تاثرات او هغه سندرې اورئ چې نوموړي او يا هم د هغه ملګرو پروډيوسرانو د پي ټي وي لپاره جوړې کړې دي.
